乾燥花包圍嘅Café
位於台中嘅呢間蒔嚐 しばしば，融合咗多種元素，係甜品店，但除咗有甜品之外，又有特色飲品，仲有手作班，而且手作班範圍好廣，有皮革班、手刻橡皮章班、乾燥花班，有興趣嘅朋友不妨旅行中黎個放鬆心身嘅手作班。
▲藍莓香檸起司蛋糕: 睇落小巧精緻，一個人食份量剛剛好。有濃郁嘅芝士香氣加上藍莓嘅味道，非常和諧協調，蛋糕入口順滑。
▲一抹紅: 呢杯嘢飲紅噹噹咁，夏天一飲就透心涼，一抹紅口感似冰沙，加入火龍果、蘋果等水果，另外再加玫瑰蘋果醋，甜度不高，一啲唔太鍾意甜嘅朋友仔一定鍾意。
▲呢到上菜好特別~好似托盤嘅架其實係一個窗台黎，與店內裝修亦十分配合，好有心思又特別。
▲乾燥花手作班學生嘅成果，送俾另一半一定甜死。
▲蒔嚐 しばしば裝潢充滿田園氣息，店內擺咗好多乾花同古典嘅小擺設，令整家店很自然，客人也很舒服自在。
蒔嚐 しばしば
地址：台中市北區進德北路128號
電話：+886 4 2360 2388
營業時間：11：30 – 19：00(週一休息)
文字／圖片來源 ：蒔嚐 しばしば(FB)