親身投入虛擬的歷險遊戲
澳門有嘢玩?唔係賭錢?大人和小朋友都可以入去玩，究竟玩咩東東?位於氹仔金沙城中心，興建咗一個全球首創真人互動的主題樂園，環境以室內進行。裡面有超過200款精彩遊戲裝置，以嶄新互動遊戲模式，讓玩家化身虛擬遊戲中的主角投入遊戲，於現實環境中親身體驗奇幻而驚險的拯救歷程。全程考驗玩家的智慧、耐力及反應速度，好適合大人細佬玩。
▲主題樂園會因應你嘅年齡，度身訂造整個遊戲旅程。入到樂園，會有個使者安排你去換上戰衣，拎埋冒險旅程最重要的魔導卷便可以出發。每位進入Planet J冒險王國的冒險使者可選擇以個人或數人組成隊伍進入遊戲世界，與其他冒險使者進行互動及競賽。
▲入面有8個主題區，其中一個係魔石礦洞，接該地點的遊戲裝置的指示，配合手上的魔導卷進行任務，以敏捷身手及智慧，接受巨龍及邪惡魔石獸的挑戰。
▲沿著路線來到光明森林，感覺好冰冷的地方，感覺自己去咗魔法森林，帶有一股神秘感。
▲完成歷險記後，樂園設有精品區，入面的精品全部都係遊戲中的角色，可以入去睇下，揀幾款精品做紀念。
Planet J 冒險王國
地址：澳門路氹金沙城中心金沙廣場3樓3009號鋪（鄰近美食廣場）
開放時間：星期一至日及公眾假期︰09:30 － 21:00 (最後入場時間︰20:00)
入場費：＄150/位 （全日）／魔導卷：＄150/部 （1小時）
文字來源：香港人.歎世界/圖片來源：Planet J