小編要等時間上open bus，揀左河畔呢間Hoi An Roastery hea 1陣，會安既cafe 真係任坐唔嬲既，你可以拎本書睇、飲下咖啡，過一個悠閒下午。
呢度環境採用中國式室內設計，二樓掛滿左鳥籠，面對會安河景。小編叫左越南咖啡同蘋果批。去越南點少得滴漏咖啡，呢個咖啡口味好濃，好有提神之效!
而聽講呢個蘋果批係用左兩款以上既蘋果去做，淨係睇個切面已經知係堅料！
▲Hoi An Roastery 係會安都有幾間，呢間對河景既暇為舒適，hea半day都冇問題
▲各一個角落都係典雅既佈置
▲係二樓平台望望河景，歎下咖啡咁又一day,幾寫意
▲由二樓天井向下望，彩色的生果牆好吸睛
▲雞蛋咖啡加入一整隻蛋及糖一同攪拌，上面有蛋泡，感覺像是甜品一樣的味道
▲越南受地理影響，所種植既咖啡豆咖啡因較多，味道亦較苦澀。配合滴漏式的慢煮咖啡法，令味道變得更為濃厚，同時亦令苦味更加突出。傳統越南冰咖啡用煉乳代替牛奶，掩蓋苦澀既咖啡味
▲蘋果批係法國人統治下所帶所既甜品，呢個蘋果批用左兩款以上既蘋果去做，一口咬落口感豐富，淨係睇個切面已經知係堅料！
Hoi An Roastery
地址：135 Tran Phu Street, Hoi An 560000, Vietnam
文字來源/圖片來源：香港人歎世界