《單身男女》拍攝地！
呢度公園位於西營盤，係多個電影既拍攝地，小編最記得《單身男女》吳彥祖同高圓圓既約定地，入口由兩層由古老大麻石建成石牆，加上充滿詩意既細葉榕，滿滿英倫味道，而且日夜景色斬有唔同感覺唔同氣氛。
▲香港佐治五世紀念公園其實已經被多部電影、電視劇取景，係唔少男女主角既「老地方」。其中小編最記得《單身男女》有幕係失戀高圓圓將前男友既野送俾吳彥祖，拍攝地就係呢度。
▲公園外牆係以灰白大麻石建造，入口樓高2層，高大既榕樹將陽光阻擋在外面，感覺非常涼快。
▲外牆延綿有幾棵老榕樹，幾年前地鐵要開港島延線，市民發起「地鐵到我家，老樹不搬家」運動。西營盤是香港老區，而老一輩既市民就同呢D老榕樹一齊成長，特別有感情。
▲有一個金屬牌被老榕樹既根淹沒了，證明呢個公園已經經歷多年歷史。
▲佐治五世紀念公園係少數留存下來殖民時代建築物，好多IG-ers，甚至內地遊客都紛紛係呢度打卡影相，而且日與夜氣氛都有所不同。
▲不過沿着石梯走上去，恐怕會大失所望，因為上面公園裏只有一個籃球場、足球場，仲有一個兒童遊樂場。
香港佐治五世紀念公園
地址: 西營盤東邊街與醫院道交界
開放時間:11:30 AM – 7:30PM
文字來源：香港人.遊香港／圖片來源：guillaumedcxvii dolceleven anthonycamwt kcwt harveymenghw