Threads爆紅Chiikawa兔兔滑布丁小遊戲

最近有個超可愛嘅「烏薩奇滑布丁」小遊戲喺社交媒體上爆紅，遊戲完美還原動畫第一集嘅場景，兔兔係巨大布丁上面滑來滑去，threads上既一位網友就將呢一幕作為靈感，變做一個小遊戲，玩法超簡單，超容易越玩越上癮，快啲同好友一齊PK啦！

▲兔兔性格超級四次元，係動畫第一集開場時，兔兔發現咗一個巨大布丁，然後喺上面滑來滑去，threads上既一位網友就將呢一幕作為靈感，最後整咗依個「烏薩奇滑布丁」小遊戲出黎。<<開始遊戲>>

▲遊戲方法好簡單，目標就係挑戰可以令兔兔喺布丁上滑幾耐，將手機左右傾斜，成功滑動一次就會得分。

▲玩家要小心控制好平衡，盡量唔好讓兔兔掉落布丁，有個小技巧就係越慢越好，練習幾次之後可以同朋友PK鬥耐！

▲喺滑動過程中，兔兔會不斷發出「呀哈」嘅魔性叫聲。大家快啲去試下呢個有趣又療癒嘅手機遊戲，無聊時就同兔兔一齊滑布丁打發時間！

文字：香港人遊香港 / 圖片：遊戲頁面截圖