都市熱話｜mofusand主題跑登陸香港
召集mofusand粉絲！全球首個mofusand主題跑「mofusand Run Hong Kong 2024」9月登陸香港！活動將喺2024年6月25日開始接受報名，首6日成功報名，仲可以得到造型可愛嘅早鳥優惠禮物——mofusand磁力肩膊毛公仔，數量有限，先到先得。至於跑手包嘅禮品非常豐富，當中包括以鯊魚造型mofusand設計嘅跑手Tee、束繩袋、毛巾等。而限時內完成賽事嘅參賽者，仲可以獲得完賽獎牌。另外，場內將售賣多款官方獨家首賣產品，其中推介活動限定紀念衛衣、咕𠱸毛毯、漁夫帽等。想收集周邊嘅mofusand粉絲，唔好錯過！
▲首6日成功報名將可獲mofusand磁力肩膊毛公仔，優惠有限，先到先得，額滿即止。
▲所有完成賽事的參賽者，都可以獲得完賽獎牌
▲跑手包禮品非常豐富，當中包括以鯊魚造型mofusand設計的跑手Tee、束繩袋、毛巾等，個人組跑手包括毛絨散紙包及刺繡徽章(1套2款) (左)；孖住組及家庭二人組跑手包括鏡盒及磁吸拖手襪 (右)。
▲賽事分為1公里玩樂跑(非計時賽)、2公里(計時賽)和4公里(計時賽) ，而3組賽程又分為個人組和孖住組，1公里玩樂跑更設有家庭二人組。
▲場內將售賣多款官方獨家首賣產品，其中推介活動限定紀念衛衣、咕𠱸毛毯、漁夫帽等
mofusand Run Hong Kong 2024
報名日期：即日起
早鳥時段：2024年6月25日10時30至6月30日11時59分（優惠有限，先到先得，額滿即止）
活動日期：2024年9月29日（星期日）
時間：上午7時30分至下午5時
地點：香港沙田科學園
報名連結： www.mofusandrunhk.com
文字：香港人遊香港