一年一度的萬聖節又到了，灣仔海濱長廊今年有超巨型十米高的南瓜裝置，搞鬼可愛又有氣氛。巨型南瓜遠睇近睇都十分吸晴，打卡一流！同場更有其他萬聖節造型的公仔裝置可以影靚相，例如萬聖節版兔子、可愛嘩鬼、骷髏骨頭等。部分裝置更會發光，更加靚！小朋友仲可以參加免費小遊戲，尋找南瓜標記及快閃嘩鬼，就可以獲得小禮物同糖果啦！但記得留意遊戲活動時間是由下午一點及五點開始，晚上九點完結。又有小遊戲，又有得打卡，最適合一家大細去過親子萬聖節啦！
▲巨型南瓜超吸晴！日夜打卡都好靚。
▲嘩鬼飄浮空中，造型表情可愛。
▲骷髏骨頭帶點怪誕氣氛，十分應節。
▲小小南瓜是另類打卡好選擇。
▲夜晚會發光的裝飾及裝置更美。
灣仔海濱長廊
地點：「灣仔HabourChill海濱休閒站」灣仔碼頭旁
時間：12:00-20:00
文字來源：香港人遊香港/圖片來源：@Chi Tung Sin、@linggholic_