陪伴香港人成⻑嘅多啦A夢今年正式踏入50周年！有見及此，香港知名創意工作室 AllRightsReserved即將推出「多啦 A 夢漫畫時光周年企劃」！限定店將會於9月4日至15日登錄銅鑼灣，發售多款限量原創主題商品。除此之外，仲會有以漫畫時光作主題嘅小食外賣店，販賣各種小食同飲品。另外，更有工作坊，有得玩又有得食！各位多啦A夢嘅粉絲千其唔好錯過喇
▲ 「多啦A夢漫畫時光」Pop-up Store， 推出多款漫畫經典角色毛絨公仔及主題限定家品系列 ，當中更有亞洲首發限量1,000枚「多啦A夢漫畫時光」觸控燈。
▲ 「多啦A夢漫畫時光」木板原畫（A）、（B）兩款，各限量150枚
▲同埋木板原畫（限量150枚）：將於期間限定店同埋網上同步發售，大家可以到限定店或者於9月4日中午12時於DDT Store網上訂購。
▲推出多款漫畫經典角色精品及限定家品。
▲仲有多款漫畫經典角色造型設計毛公仔。
▲ 場內更有打卡位，將 多啦A夢漫畫 內的公園還原。
▲「多啦A夢漫畫時光」木製品系列：包括木餐盤、木杯墊、木餐碟、木餐具等產品，凡於期間限定店購買任何木製品仲可以參加「多啦A夢漫畫時光」工作坊，幫木製品刻上文字，令產品變得獨一無二。
▲ 「多啦A夢漫畫時光」小食外賣店
▲ 點少得多啦A夢最愛的豆沙包。
▲ 另有多款飲品，玻璃瓶更可帶回家
因疫情關係，期間限定店將實施人流管制，只限網上預約者進場，首階段登記名額已滿，第二階段將於9月7日下午六時起接受登記，當日可登記由9月9日至15日的參觀，每日分段入場(每節1小時)，每位成功登記人士可獲兩人進場名額。
網上預約進場：https://ddtstore.com/pages/dmt
「多啦A夢漫畫時光周年企劃」期間限定店
地址：銅鑼灣希慎廣場
文字/ 圖片來源：香港人遊香港