動物森友會已經玩左1個月有多，大家好努力購買/製作家具，佈置一個靚靚既島嶼，不過都儲齊心愛物品都需要時間，好多fb group、Telegram都有私下交易既post，最近就有玩家將呢個idea化作動森版Amazon網購平台，可以買賣家具、物品、材料、方程式，甚至係居民都有得做交易，平台上所有交易貨幣都係用動物森友會入面既鈴錢，不設現金交易。不過有其它網友就提醒，呢個並唔係動物森友會官方網站，買賣交易時要小心騙徒。
| ▶ 動森版Amazon網購平台傳送門：nookazon.com |
如果你想賣野…
無論買賣，必須Sign Up 個Account，所有交易都是透過 Discord 伺服器，如果你之前已經擁有 Discord account 就直接登入。
▲首先係目錄中搵返你要賣既物品項目及顏色，選擇「Add Listing」，再輸入以咩野形式賣出，可以選擇直接以遊戲鈴錢 / 哩程券。又或者公開投標，或者設定想要物品來以物易物。
▲對你件物品有興趣既朋友，可以溝通交易方式。
如果你想買野…
在Nookazon 上買野，過程同真正網購冇咩分別，只要Search到你想買既物件再聯絡賣家就可以！
▲購買時要睇清楚賣既係成品、 DIY 方程式定DIY 代工，而網站亦設有rating，大家可以選擇星級較高賣家，比較有保障。
▲無論買賣，都需要雙方協定去邊個個島做交易。都係果句呢個網站係任何人都可以放物品上黎寄賣，大家見到賣得太平一定要小心，由於唔係現金交易，受騙後連消費者委員會都幫唔到你～
| ▶ 動森版Amazon網購平台傳送門：nookazon.com |
文字來源：香港人遊香港 / 圖片來源：cnet.com