個個都睇Netflix，你估套套都咁好睇咩？雖然Netflix的確購入唔少大片，網上有好多評論及介紹，但睇劇呢家野真係咸魚青菜各有喜好，最近小編搵到個台灣網站，以繁體中文整合左每套劇影片簡介、得獎紀錄，仲引入多個評分網站。佢地仲會根據唔同主題作一些編輯推介，例如「令人唾唌的美食影片特輯」、「哈日族Netflix日劇及日本電視節目」，真係開劇前必睇！
| ▶ 開劇前必睇傳送門：awwrated.com |
1. 編輯煲劇推介
劇迷編輯先以唔同主題分類推介，例如「病毒肆虐全球，危機意識再起」整合左Netflix有得睇以傳染病、病毒做主線既影片，之後又以居家隔離為題推出唔同既合集。
▲「Netflix 精選片單」主題劃分，令觀眾可以搵到自己喜愛類別影片
2.分析近期趨勢+情報站
以1日、7日、30日列出20個最有人氣影片，hit緊咩劇，一睇就知！而情報站就可以列出近期最新影集、電影預告片，即時睇埋Trailer，唔駛再去youtube search。
▲一個網站就知道，最近有咩劇上、hit緊咩劇，就算唔係追開，同朋友傾開都唔怕口啞啞！
3.以地區、類型、排序搜尋
按自己喜好選擇8個地區及20種類型之中，再以新舊片、最好評、最熱門搵出自己有興趣既劇集電影。
▲搜尋結果封面已經顯示有關評分及上架日期，相當清晰方便。
4. 劇情內容簡介
唔劇透地介紹有關內容、仲可以睇埋相關評分。
▲覺得岩睇又可以即刻連上Netflix開始睇，頁面更支援分享至whatsapp、facebook及Line
5. 引用多於1個評分網
主要引用美國最有公信力網站IMDb，呢個網好多睇開Netflix既朋友都知道，依家唔需要特意再Search，而且仲引入爛番茄及Metacritic。
▲IMDb 準確性已經非常可信，分數由1-10，10分最高1分最低。爛番茄會追蹤所有電影評論內容，蒐集後資料運算，所以爛番茄顯示數值百分比越高，代表該電影越新鮮，好評越正面！而Metacritic就係另一個較小眾評論網站，都值得參考！
| ▶ 開劇前必睇傳送門：awwrated.com |
文字來源：香港人遊香港 / 圖片來源：awwrated.com