浪漫櫻花季唔係日本專屬，其實韓國都有呢個咁浪漫季節！今次仲破天荒同韓國彩妝品牌Stone Brick聯乘推出唇膏套裝，每set仲附送迷你Starbucks杯小擺設，造型可愛！講到櫻花季，又點可以唔提櫻花限定飲品同櫻花杯呢？今次櫻花特飲面頭都好有心思地以粉紅朱古力切成櫻花靚靚櫻花樹！而櫻花杯就一貫粉嫩顏色，真係好想全套打包返去！
▲ Starbucks出Stone Brick聯名唇膏，外殼上印有超應節既櫻花花瓣！
今次櫻花限定迷你版Lego唇膏，有2款粉嫩色調唇膏及1款潤唇膏，每一款都專屬的唇膏架及超迷你Starbucks積木杯，底下有磁鐵設計，可以自由組裝。
▲ 今次呢個櫻花主題唇膏只係會送冇得賣！係韓國Starbucks購買2杯櫻花限定飲品，就會隨機贈送一Set唇膏！
▲ 講到浪漫既櫻花季，又點少得櫻花特調飲品？紅寶石朱古力呈漸層，上面有櫻花樹圖案。
▲ 紅寶石朱古力及紅寶石朱古力latte，同樣以紅寶石朱古力碎片製成櫻花樹花瓣，以朱古力醬製成樹幹。
▲ 紅石榴果凍星冰樂，顏色亦係粉嫩到令人少女心大爆發！
▲ 朱古力蛋糕
▲ 以漸層粉紅為色調，真想全部打包返去！
▲ 每次夢幻粉嫩既Starbucks杯，都令人愛不釋手！
韓國Starbucks櫻花限定
售賣點：全南韓Starbucks
文字來源：香港人遊香港 / 圖片來源：@hj_9379、@kkomtokki、@yuki6423748、@lillian_hyuna、@hyun_ju1022、starbuckskorea