都市熱話:【唔通要食炒價?任天堂所有Switch主機+Lite暫停出貨!】

任天堂Switch 由農曆新年後延誤生產,之後肺炎疫情嚴重,多個工廠停工,然後各地政府又呼籲留家抗疫,供應不足需求上升情況下,各地都出現任天堂Switch 炒價,香港地區黃金商場就每日都堆滿黎買Game、買機既人,Switch 有價有市,聽聞好多店鋪為賺到盡,以捆綁式售賣主機及倉底遊戲,有炒價已貼近5000蚊!不過最近有壞消息傳來,任天堂係twitter 宣布4月第2個星期會暫停Switch 主機及Lite出貨,4月下旬會再公佈出貨安排,睇黎大家想買主機,好可能要食炒價了。

▲昨日任天堂於twitter交代Switch 主機及Lite會暫停出貨,需要調配及資源處理預訂訂單及動森出版,4月下旬再視乎情況再公布。

▲因疫情而留家,個個都開機玩!Ringfit及動物森友會成為人氣熱話。

▲Switch 被全球爆買,以致各地出現缺貨,有貨既店鋪都推高個價先賣,想買既人要硬食炒價!

文字來源:香港人遊香港 / 圖片來源:任天堂

Close Bitnami banner
Bitnami