Minecraft由2009年開始發佈，係一隻集生存冒險、模擬建設打造3D世界既遊戲，至今仍然受唔少人喜愛，好多人會係隻Game入面興建自己烏托邦。而最近武漢肺炎疫情久久未有減退，打工仔們再次啟動Home Office模式，而學生正式復課則遙遙無期，就算係大專生都係依靠網上教學上堂。其實自上年反修例社會運動引發既中大、理大圍城，基本上自上年11月學生都未有返回校園正常上課，有同學仔就表示好掛住自己既校園，係唔駛返學既情況下，有網友@cuhkminecraft就用Minecraft呢隻遊戲將中大校園神重現！就算中大同學冇得上堂，都睇到中大既人傑地靈、山明水秀…
▲中大未圓湖全景，每逢畢業典禮季節，就有好多學生係呢度留影。呢度亦係中大開揚景觀之一！
▲中大圖書館，又稱中大烽火台，有中大傳說就話穿過果個藝術品「仲門」就畢唔到業。
▲中大科學館紫金鳳凰校徽，而且校徽下依然掛住4條黑色直幡，令人思緒一度停留係9、10月岩岩開學既時間。
▲中大新亞書院
▲NA水塔又名君子塔
▲逸夫書院國楙樓－國宿
▲呢位網友相當有心，睇得出佢超熱愛中大，每個書院、建築物都相當細心，仲會話比大家知佢地既冷知識同小故事，相信佢同好多中大人一樣，渴望疫情過去重返校園上課。中大其實仲有好多建築物、景點佢都未post哂出黎，可以追蹤佢IG支持下佢既作品！
Project CUHK@Minecraft
IG：cuhkminecraft
Youtube：cuhkminecraft
文字來源：香港人遊香港 / 圖片來源：@cuhkminecraft