來自美國的「即食麵之神」Hans Lienesch，最近就公布了 2020 年全球十大最受歡迎的即食麵排名，可惜大部分的都未能於香港買到，但大家唔洗失望，因為佢上年特意係香港市場做咗個排名，全部係香港買得到，依定日日係屋企，不如一齊試晒十款啦！
TOP 10 ： 日清合味道杯麵 海鮮風味
▲Hans Lienesch表示合味道海鮮杯麵的配料做得很好，而且內裡更有真正的海鮮。
TOP 9 ：日清合味道杯麵 海鮮咖哩味
▲Hans Lienesch表示本身日清合味道杯麵的海鮮味已經好好食，依家再加上咖哩味，讓整個海鮮杯麵CP值再增加。濃郁的咖哩，再配上美味的麵條，成功成為香港TOP 9。
TOP 8 ：公仔麵 雞肉味
▲Hans Lienesch表示公仔麵的油炸麵條做得很好，雞肉湯和麵條好夾，再加上一隻雞蛋就可以簡單將麵Upgrade。
TOP 7 ：日清出前一丁 麻油味杯麵
▲Hans Lienesch表示一大個麵餅保存得好好，而麻油湯底能明顯看到有飄浮着嘅麻油，湯底香濃。新版嘅杯麵更有出前一丁公仔嘅魚餅，再度加分！
TOP 6 ：日清米粉 海鮮味
▲Hans Lienesch表示米粉很柔軟，而湯頭亦Creamy。
TOP 5 ：福字麵 上湯伊面
▲Hans Lienesch表示福字麵是香港的經典，是一種文化的表現。雖然現在福麵是由Nissin 擁有，而且在泰國製造，但只是在香港發售，是香港限定，絕對是每一位香港人都喜歡嘅麵。
TOP 4 ：出前一丁 醬油豬骨湯味
▲出前一丁 醬油豬骨湯味曾經於2015年的香港TOP 10 即食麵名單中排行第一，現在雖然排名有變，但仍在前五名內。
TOP 3 ：出前一丁 黑蒜油豬骨湯味 棒丁麵
▲出前一丁 黑蒜油豬骨湯味 棒丁麵曾經於2017年的香港十大出現過，此款麵條非常有咬口，而湯底亦十分完美，濃郁嘅豬骨湯再配上黑蒜油，可增加湯頭的層次感
TOP 2 ：出前一丁 辛辣豬骨湯味 棒丁麵
▲棒丁麵麵條幼細，非常有咬口，湯底由creamy 嘅豬骨湯再配上辣醬，味道非常濃郁，雖然辣度不是非常辛辣，但份量拿捏得剛剛好，充以平衡兩種湯頭的味道。
TOP 1 ： 壽桃牌冬蔭功拉麵
▲登陸首位的是壽桃牌冬蔭功拉麵，非常意想不到，拉麵在百佳只售$6.9，有時仲會特價，非常經濟又實惠。食神表示冬陰功拉麵湯底充滿檸檬草和蝦的味道，巧妙地呈現泰式風味，辛辣刺激。
文字整理：香港人遊香港 圖片：The Ramen Rater