黃子華最後一場棟篤笑2018《金盆𠺘口》，當時連開26場，好多fans都係連睇好多場，小編當時就買唔到飛喇，多人睇完都覺得好值得一睇再睇！雖然子華神當時唔計劃出DVD，不過今朝子華本部就公佈左「網上版」門票開賣，買左飛既朋友可以係自選日子係24小時用同一裝置，無限次任loop，幾時睇同邊個睇都可以自己揀，仲可以安坐家中食住零食慢慢睇！消息一出，好多朋友都留言話買到子華買返層樓呀！
▲ 子華神今朝係自己facebook fan page子華本部公佈今次《金盆𠺘口》網上版係撲飛 POPTICKET有得賣，揀好日子比錢就ok！
▲ 子華神《金盆𠺘口》已經係第15次棟篤笑，佢之前接受傳媒訪問就話原則上最後一次棟篤笑演出。
▲ 次次棟篤笑子華神都大爆啜核金句，2019、2020經過社會反修例運動、疫症漫延，再次聽返唔知會唔會有另一番意會呢？
▲ 《金盆𠺘口》有提及7警事件，「暗角7警執死雞、善用私刑龍咁威！歷代嘅忠良都係俾啲狗官迫害，打人就唔啱，岳飛咪打人囉！咁咪唔啱，咪死囉。」
「黃子華棟篤笑 – 金盆𠺘口」x 撲飛
上映日期：2020年3月16日（星期一）－4月8日
開售日期：2020年3月13日（星期五）早上10點
時間：你話事
地點：你屋企
票價：$68 （與香港同行，免手續費）
撲飛開賣及條款及細則：popticket.hk/tzewah2018
文字來源：香港人遊香港 / 圖片來源：YouTube