日本封關，暫停左香港人免簽證，去唔到京都宇治飲綠茶，食正宗既抺茶甜品，真係好可惜。喺街都唔敢出既時代，去便利店掃返d零食、甜品就最岩數！今次7仔推出日本京都宇治直送抺茶系列甜品，三款都非常吸引！今次甜品同伊藤久右衛門聯乘，所用抺茶粉取自宇治優質茶園，同日採摘蒸茶葉，再研磨成粉。味道清爽馥郁抺茶粉，製作出抺茶千層蛋糕、抺茶甜品杯及抺茶忌廉泡芙。
▲ 擁有超過 185 年歷史既伊藤久右衛門喺京都宇治享負盛名，依家唔駛飛京都，去便利店都買到佢地產品喇
▲ 7-SIGNATUREx 伊藤久右衛門抺茶千層蛋糕 ($20) ：千層蛋糕顏值極高，加入宇治抺茶粉製作成一層層薄薄既pancake，夾心係打成香滑回甘既抹茶忌廉，每一啖都細軟香濃。
▲ 7-SIGNATUREx 伊藤久右衛門抺茶忌廉泡芙 ($15)：鐘意食宇治抹茶cream，就要揀呢個抺茶忌廉泡芙，味道超級濃郁，口感又幼滑！
▲7-SIGNATUREx 伊藤久右衛門抺茶甜品杯 ($15)： 抺茶甜品杯好有層次，有五層咁多，以抹茶海綿蛋糕為底層、配上抹茶忌廉及 北海道牛奶忌廉，質感柔軟幼滑，頂層再撤上 宇治抺茶粉！
7-Eleven 伊藤久右衛門系列甜品
售賣點：全線7-Eleven
文字/ 圖片來源：香港人遊香港