身邊總有個pancake控，食pancake之前一定要影相放ig，仲要影超耐都唔捨得食！日本有個購物網站「Creema」商家「うふふ」（uhuhu）原先主打手繪風格藥水膠布同文具膠紙為主，其可愛路線，一直受女學生追捧。最近仲將呢份可愛系打入媽媽主場，就係將大大件pancake化成最外層保暖毯，而一片片食材，例如荷包蛋、芝士、生菜、火腿都變成棉被，好似令人垂涎欲滴既餐點咁，睇見就覺得治癒！呢款咁得意既棉被視覺效果滿分，無論係買比家中寶寶自用，又或者當作禮物送人都好合適。
▲ 一般套餐（21,780円）：Pancake 保暖毯+棉被3件（芝士、生菜、火腿）如果屋企空間唔係好大，比較適合使用鹹食pancake，因為被子折疊都唔係好佔空間。
▲ 飽足套餐23,980円：Pancake保暖毯+棉被4條（荷包蛋、芝士、生菜、火腿）Pancake造型保暖毯直徑約為100公分，除左家中BB之外，毛孩禦寒都好岩用！而且如果你係用黎送禮既話，一d都唔失禮。
▲ 一般套餐（16,500円）Pancake保暖毯+抱枕6入（草莓x2、鮮奶油x2、奇異果x1、香蕉x1）
▲ 水果雙倍套餐（22,550円）Pancake保暖毯+抱枕10入（草莓x3、鮮奶油x3、奇異果x2、香蕉x2）望著寶寶訓一堆水果同Cream中間，真係流哂口水喇！
うふふ －Pancake小棉被
文字來源：香港人遊香港 / 圖片來源：うふふ