海洋公園大家都有去過，但係依家因武漢肺炎影響，海洋公園無限期關閉，其實除左去主題公園，放假都幾建議行上山呼吸下新鮮天氣！海洋公園附近嘅南朗山休憩公園可以俯視靜如死城既海洋公園，到直升機坪，係呢度可以俯瞰深水灣同淺水灣一帶嘅海岸全景！係南朗山道巴士站起步，沿馬路往上走，經過休憩公園，踏上左方水泥山徑上走至涼亭。由此續上走修建完好梯級至觀景台及涼亭，再轉接泥徑上攀可達直昇機坪，隨後原路下山。
▲係南朗山道巴士站起步，沿馬路往上走，經過南朗山休憩公園，踏上左方水泥山徑上走至涼亭。
▲路徑以平坦既階梯為主，輕鬆簡單易行！
▲南朗山海拔284米，係條超簡單既行山線，上到去可以鳥瞰海洋公園過山車、纜車、香港仔南避風塘、深灣遊艇會，而且自然景觀也是一絕，港島最美精緻都睇得到！
▲碧綠山幽加上藍天白雲，係張美麗既圖畫。
▲到達直昇機坪，隨後下山，計返時間睇埋日落先走～
行山路線－南朗山道➡️南朗山➡️深灣道（3.5 公里）
需要時間：1.5 小時
注意事項:
!每人最少帶備1公升水
!保持郊野清潔人人有責，自己垃圾自己帶走，不要將用過個人口罩棄置到郊野
!每人體質及能力皆有不同，注意自己個人及同行者行山節奏，行程中盡力而為
文字來源：香港人遊香港／圖片來源：Amanda_HK