呢間意大利雪糕店開係荃新天地，每次都有唔同既新口味出現！足以證明店主用心經營，成日都研發特別既新口味，最初時有人氣大熱既莞茜味成為城中熱話，後來又有牛油果清新口味、薑汁燉蛋特色口味。雪糕店有少量空間擺放左幾張櫈仔比客人坐低食，更將店內原有少女心花牆佈置成連儂牆，貼上大量文宣，等客人可以一邊食雪糕一邊睇文宣，又或者寫下memo報表達下心意。
▲ Gelato有超過30款口味選擇，呢邊係較少女心既粉色選擇，白桃雪葩口味打卡無懸念。
▲ 另一邊則係期間限定既特別口味，例如以中式糖水薑汁燉蛋為原生概念既口味，食落去薑味清香天然，後勁微嗆又有d暖胃
▲ 講到最大話題性，一定係呢個催淚彈口味。其實就係胡椒味，相信店主係以憤怒同心痛既心情去創作！
▲ 兩球Gelato$55，催淚彈味+$5，店主一直支援抗爭，又參與罷工罷市，被網民稱為「良心雪糕」
▲ 椰汁年糕味，雖然新年已過，仲有年糕味雪糕食，椰汁味之餘仲食到粒粒年糕口感。
▲ 店鋪內有幾張櫈比客人食雪糕。
▲ 另一角落仲張貼左好多手繪文宣。
Sogno Gelato
地址：荃灣楊屋道1號荃新天地2期UG樓85號舖
電話：60984187
營業時間：星期一至五12:00 – 22:30 / 星期六至日 11:30 – 22:30
文字來源：香港人遊香港 / 圖片來源：@let_eat_gooo、@hkfoodieamarillas、@colemanng、@foodie_eatwithme、@nelsonlswong