位於紅磡酒店入面嘅餐廳喺近日推出咗以花為題嘅Tea Buffet – 「花漾下午茶自助餐」，提供多款用花整成嘅甜品，例如有薰衣草、玫瑰、櫻花、萄花等等，真係精美得嚟又好味。而當中必食嘅一定係薰衣草朱古力筒，白朱古力嘅甜包裹住薰衣草嘅香味，食落去即刻帶嚟味覺沖擊。除咗佢之外，菊花香檳果凍都係必試，晶瑩通透嘅果凍散發住菊花味，俾人一種清新嘅感覺。啱哂約埋班閨密享受一個優雅嘅晏就，仲可以打卡添。
▲ 櫻花天使蛋糕，香港都可以體驗櫻花嘅感覺。
▲菊花慕絲泡芙蛋糕，加咗好多水果點綴。
▲ 玫瑰千層蛋糕，散發住淡淡嘅玫瑰香。
▲ 玫瑰忌廉芝士球。
▲ 菊花香檳果凍，加入咗日本可食用嘅菊花瓣後更添質感。
▲ 布甸。
▲ 薰衣草朱古力筒。
▲ 好多甜品任你簡。
▲ 即炸天婦羅，咬落去好脆口。
▲ 即焗薄餅，熱辣辣，即叫即做。
都會海逸酒店 (Promenade西餐廳)
地址：紅磡香港紅磡都會道7號都會海逸酒店 7樓
開放日期: 1月1日至2月29日 逢星期六、日及公眾假期期間 (1月26至28日除外)
營業時間：15:30 – 17:30
電話： 3160 6880
文字／圖片來源：香港人遊香港