呢度係泰國政府重點保護既海島，一年只開放150日，而且2、3月更係海洋生物最活躍日子，錯過再等半年，因為佢會關閉保育，係浮潛／深潛既好地方！由布吉搭船出發大概要2小時左右。最著名就係晴天會見到呢度居然有7種顏色海水，陽光照射下影出黎淡然漸變效果，被稱為加勒比藍！呢個地方由Koh Rok Nai、Koh Rok Nok兩個小島組成，比皇帝島更顯出原生態模樣，係潛水界既浮潛天堂！唔鐘意玩浮潛深潛既，可以一整日坐係沙灘上望住呢一片奇幻既海水。
▲洛克島係由Koh Rok Nai、Koh Rok Nok兩個小島組成，兩島相對一面為沙灘，以淺水水道相隔。
▲小島長長海灘，沙質細膩潔白，沙灘有近300米淺水區域，天然打造出更加適合浮潛環境！
▲純淨Tiffany Blue 海水，好似一塊晶瑩既藍寶石咁。
▲只需帶上潛水面鏡，就可以輕鬆海面浮潛，大片美麗珊瑚礁要睇到真係冇難度。
▲《海底總奇兵》中同款小丑魚“Memo”同你海中邂逅，橙白條紋身體，憨厚可愛模樣，偶爾仲會出現玳瑁海龜！
▲如果想要去洛克島遊玩，暫時只能報名旅行社洛克島行程，跟隨行程往返，可以選擇到當地旅行社報名或者旅遊平台上購買，大家有興趣既話一search就有好多資料架喇！
洛克島
開放時間：2019年10月15日－2020年5月15日前皇方式：
布吉出發－從布吉出發需要先坐車到碼頭，再坐快艇抵達洛克島，車程需要半個小時，船程約2個小時。
甲米出發－從甲米出發需要先坐車到碼頭，再坐快艇抵達洛克島，車程需要10-20分鐘，船程約2個小時。
蘭塔出發－從蘭塔出發距離較近，需要先坐車到蘭塔老鎮碼頭（有部分行程公司是快艇直接到酒店前面的沙灘上來接客人），再坐快艇抵達洛克島，車程需要半個小時，船程約45-60分鐘。
文字來源：香港人遊香港／圖片來源：@cissistrand