要賞孤芳既白梅，又唔一定飛台灣或者日本既，香港都有得睇！4棵白梅係大埔一間依山而建既道觀內，繼上年滿開引來眾龍友黎影相，今年又開花喇，為既係影到一片梅花雪海既景象！白梅花開係呂祖主殿旁邊空地，令好多龍友都過黎影相。今年聖誕唔係好寒冷，不過冬梅依然開得燦爛，園內4棵梅花綻放，一片繁花如雪梅花海，黎到仲可以順便欣賞園林美境，打卡一流，相信今年都有唔少遊人再度前來欣賞！
▲蓬萊閬苑種有四棵梅花樹，每逢花季就好多人黎欣賞
▲梅花係中國十大名花之首，與蘭花、竹子、菊花一起列為四君子，形態同櫻花相似
▲梅花被冠上高潔、堅強、謙虛既品格。
▲最佳拍攝效果都係將一兩梅花放主體，用大光圈近攝。
▲串串梅花姿態優美，樹冠繁枝細杈花瓣分五片，又分上下兩層，外層呈粉色，裡層呈白色，花蕊係淡黃色。
▲整個花期約三星期，想去賞花就要快d去喇！
▲除左遊人，梅花仲引來蜜蜂蝴蝶！
蓬萊閬苑
位置﹕大埔半山洲
前往方法﹕從大埔墟火車站運頭塘邨德雅苑接達連道，步行十五分鐘，見左有路牌往半山洲山頂花園，再行十分鐘便至。
文字來源：香港人.遊香港／圖片來源：@蓬萊閬苑 、@stone0531