依家就係首爾最凍既時間，好多當地人都會好似香港人咁約埋一齊食暖鍋，不過佢地比較喜愛煮成一鍋，部隊鍋就係一個好好既例子。如果唔食辣既朋友仔，又想係嚴寒天氣晚上食到暖笠笠再返酒店訓覺，可以選擇黎呢間位於弘大既「二代祖薯仔排骨湯」，order 一個薯仔排骨湯，再同同行好友飲酒吹水吃飯，氛圍好似融入當地人咁，點多人份仲視覺效果非常澎湃，建議加埋泡麵一齊食，無論係馬鈴薯定排骨都非常入味，而重點精華在於骨肉分離既排骨同埋濃濃既湯底，飲完真係唔覺得凍喇！
▲馬鈴薯排骨湯：大W39,000/中W35,000/小W30,000 (加點排骨 16,000)
▲無論order大、中定細馬鈴薯排骨湯，都有好多件勁大件既排骨，而漂浮白色球體就係薯仔，少少辛辣唔會好重味！
▲上台時有大易量胡椒、香料同芝麻葉
▲上台之後會一路加熱令配料更入味！沸騰熱湯相當吸引，熱騰騰既湯令人飲完一啖會有追飲感覺！
▲煲滾左之後薯仔排骨湯最主打就係大骨肉排！骨頭好大，但係肉都唔少！
▲大骨肉排滾到軟爛一絲絲，想食到更有層次味道可以點黃芥末醬一齊食！
▲呢間食店係24小時營業，幾時都咁多人，個時間fit哂夜機去首爾或者係血拼到夜晚既朋友！
二代祖馬鈴薯排骨湯
地址：158-26 Donggyo-dong, Mapo-gu, Seoul, 南韓／서울 마포구 동교로 200
時間：24小時營業
文字來源：香港人遊香港／圖片來源：@anakjajan