呢個台灣茶飲店－幸福堂主打黑糖珍珠上年營運風波落幕之後，由台灣經營商重掌，太子呢間就係第2間香港分店。不過近月因太子站事件，呢間太子分店經常因集會而影響生意，不過佢地依然心繫香港，默默支持香港人，店內擺放Pepe同poster，以示佢地打氣，好多人買完野飲都會係呢度打個卡先走架！為左慶祝過去星期日香港人創造史無前例既極高區選投票率，同大家一齊開心下，今個星期一開始到星期五，呢間分店都會送花生醬多士一份！
▲黑糖珍珠鮮奶（＄30）黑糖珍珠係店內即煮，飲用前店員會炙燒幾秒面層，黑糖香氣非常突出，店鋪提議飲用前攪拌18下！
▲一顆檸檬鮮綠茶 （$28）唔想飲黑糖珍珠，可以選擇一d較清爽，新鮮現榨台個檸檬，綠茶係用茉莉綠茶，香氣十足！
▲抹抹暗戀 抹茶珍珠鮮奶（$28）濃郁日式抹茶同鮮奶形成漸層，加上純天然健康紅麴珍珠，飲前必打卡！
▲呢間太子分店為慶祝香港人創下最高投票率紀錄，呢個星期推出送生命麵包花生醬多士一件。
▲生命麵包花生醬多士加上一杯台式飲品，食個靚tea又係心情好既一day！
▲店內又有人氣連豬、Pepe 等圖案
▲仲有Pepe公仔比你打卡！
▲店鋪多次罷工及將營業額捐款比有需要機構，係間良心店鋪。
幸福堂 太子店
地址：旺角弼街51號明發大廈地下A號舖
營業時間：12:00 – 23:00
限定優惠日期：2019年11月25日－29日太子店限定，現凡購買任何飲品，即送生命麵包多士一件
文字來源：香港人遊香港／圖片來源：@kaikaixkyoto、@c.nao_、@chocolate_tong、@xingfutang_pe、@kumama_kuma