位於台中酒桶山上有一間複合式餐廳，餐廳既天台起左個一大片玻璃地板，純白既玻璃地板同一望無際既天空融為一體，形成超夢幻既天空之鏡，旋即成為左打卡熱點！餐廳本身位於山上，周邊大自然美景遼闊開揚，擁有豐富既天然優勢，無論日出日落，係天空之鏡都有唔同既景色作為背景，加上雲朵就好似係身邊璽過咁，靚到仙境一樣！餐廳除左有玻璃天空之鏡，室內餐廳亦用左大片落地玻璃，利用天然採光等食客可以欣賞到大自然美景！呢度仲有餐廳主人自己種既田，提供無菜單料理同下午茶等等美食，食物同環境一樣天然無添加！餐廳採用預約制，只要低消一份餐點就可以上天空之鏡任影打卡，同樣享受美景美食！
▲位於台中酒桶山上既呢間複合式餐廳，佢既二樓用左大片玻璃做成地板，同天空合而為一，成為「天空之鏡」！
▲餐廳採取預約制，只要低消一份餐點就可能係天空之鏡任影打卡，連周圍既雲都好似伸手可及咁，令人猶如置身仙境般夢幻！
▲係呢度享盡大自然靚景，無論日山日落任何時候，唔同既天然景色都一樣迷人！
▲除左天空之鏡，餐廳周圍既天然景色都一樣清新遼闊，係個避世既小天堂！
▲餐廳以貨櫃改建而成，一樓係餐廳，二樓就係玻璃天台，周圍仲有餐廳主人自己種植既田添！
▲室內採用左大片落地玻璃，採光一流，係室內用餐都可以欣賞到外面大片自然景色！
▲餐廳除左提供下午茶小食、咖啡等，亦有無菜單料理，而大部分香料蔬果等都係餐廳主人自己種植，絕對天然健康！
藏寶莊園
地址：台中市太平區山田路長青巷23-1號
電話：0978360635
時間：12:00~17:00（星期二休息）
文字來源：香港人遊香港／圖片來源：@fan94fan、@078kg、@77_kiara、@lol141423