呢間黃金腸粉主打皺皮腸粉，成日都有新口味皺皮腸粉推出，口味往往出奇制勝！好似有泡菜安格斯牛黃金腸粉、香茜火鴨絲黃金腸粉、黑松露雜菇黃金腸粉等新推既避風糖腸粉相當惹味，腸粉內有細隻隻蝦仁，而面層就有大量乾葱、炸蒜粒同辣椒，而講到最受歡迎其實係越南春卷腸粉，concept 改良自炸兩腸粉，而越南春卷入面又有口感豐富嘅材料，食落真係有味蕾大爆發之感！
▲皺皮腸粉個式製作時將蛋漿加入新鮮米漿，令蛋嘅味道更平均，色澤亦都更加吸引。
▲金沙帶子腸（$30），即煎帶子再加鹹蛋黃醬，惹味十足！
▲蔥花蝦米黃金腸粉（$23）簡簡單單口味黃金腸粉呈鮮黃色，蝦米鹹香加埋蔥花，加d甜豉油已經好好味！
▲蜜汁叉燒黃金腸粉（$23）灑上大地魚粉更顯風味！
▲脆脆黃金腸粉($28)腸粉靈感來自炸兩，越南春卷即叫即炸，再包係腸粉中，既食到嫩滑口感腸粉，又食到春卷脆卜卜美味！
▲避風塘爆蝦黃金腸粉（$32）腸粉質感米香、蛋香都好濃，避風糖口味即係加入乾葱、炸蒜粒同辣椒，中間內餡食落少量蝦仁。
靚媽黃金腸粉
地址：太子水渠道3-13號長寧大廈地舖
電話：93897051
營業時間：星期一至五 08:00 – 20:30／星期六、日10:30 – 20:30
文字來源：香港人.遊香港／圖片來源：＠hawthornbbfoodie、@lengmahongkong、@albertchoi430、@lskao722