相信唔少人都係抹茶控，去到甜品店都一定要叫抹茶味嘅甜品。如果你都係抹茶控，咁你去台灣嘅時候就唔可以唔去呢間甜品店。近嚟佢推出咗一款新口味卷蛋，入面包住三種味嘅忌廉：原味、士多啤梨味同抹茶味。特別嘅係，佢將原味同抹茶味忌廉整成富士山嘅形狀，而士多啤梨味就整成好似櫻花飄落咁嘅畫面，非常浪漫！除此之外，佢仲有另一款榴槤忌廉卷蛋，入面包咗忌廉同埋泰國金枕頭榴槤嘅榴槤肉，味道非常濃郁。
▲抹莓富士山(NT$450)，士多啤梨忌廉酸酸甜甜，同抹茶忌廉好夾，而且食落完全唔膩，一個人食哂成條卷蛋都得。
▲唔只好食，外形仲咁可愛，唔影返張相打卡點得？
▲抹茶榴槤生乳捲，原價NT$580，而家優惠賣NT$499，香濃嘅榴槤肉加埋軟滑忌廉，榴槤控點忍？
▲抹茶榴槤生乳捲嘅製作過程，睇得出非常足料。
▲除咗卷蛋之外，仲有紫薯霜淇淋(NT$100)同埋紫薯Q派對(NT$120)，前者香味濃郁，後者用栗米餅包住珍珠粉圓、糯米白玉同埋紫薯雪糕，煙韌有咬口，都係非常之正！
Kinber金帛手製
地址：台中市西區精誠五街14號
營業時間：星期一至五12:00-20:00；週六11:00-19:30；週日12:45-19:30
電話：04-2327-4780
文字來源：香港人遊香港/ 圖片來源：@kimbo_icecream