「幸福肥」本身係一間台灣IG網店，以賣芋泥同抹茶蛋糕起家，而家仲係台灣開埋鋪添！佢既芋泥盒子濃稠到有d難挖，芋泥夠香之餘仲食到粒粒芋頭，每一啖都濃到想尖叫！千層芋頭蛋糕就更加出色，大甲芋頭泥層層有厚度兼紮實，千層夠酥化，絕對真材實料！另外亦有抹茶盒子，一挖落去就係濃濃既抹茶cream，好似食緊一啖啖抹茶粉咁濃！下面係濕潤既蛋糕，一樣入口即融！仲有佢口既抹茶千層蛋糕，倒入抹茶醬，更加綿滑香濃！不過由於間鋪實在太紅，好多時去到鋪頭都已經無晒蛋糕，大家其實仲可以係佢地官方IG預購，宅配到酒店或者去到自取，詳情請留意佢地IG最新公布啦！
▲對芋頭控黎講，有咩開心得過捧住成盒芋泥蛋糕自私食！ 「芋泥盒子」上面有麻薯夠咬口，芋泥又夠濃，配埋濕潤蛋糕，簡直大滿足！
▲另一樣受歡迎既芋泥千層蛋糕，層層都真材實料，有脆口既酥皮同濃稠既芋泥，好有飽足感！
▲呢個抹茶盒子相信冇抹控可以抵抗得到！睇到佢既色澤咁深綠同質感順滑，就知道有幾濃了！
▲千層抹茶蛋糕都冇得輸！用左小山園抹茶65%若竹製程既千層體，無論顏值定味道都爆晒燈，每一啖都係濃到爆既抹茶味！
▲除左抹茶同芋泥盒子可以宅配，Tiramisù盒子都大歡迎！
Tom&Maggy 幸福肥 • 手作點心
地址：三重區集美街33巷20號一樓
電話： 0966 104 276
營業時間：14:00 – 20:00 (星期一休息)
官方IG訂購：https://www.instagram.com/tommaggydessert/
文字來源：香港人遊香港 / 圖片來源：@mmon627tw、@tommaggydessert