唔少人都希望可以環遊世界，當中更加有好多人都希望一生人入面可以去一次北極欣賞極光。不過北極始終係極限環境，要面對極端嘅寒冷天氣，都必須要帶備足夠裝備同埋帳篷。芬蘭旅遊公司「Luxury Action」就諗到，北極雖然係好獨特嘅旅遊景點，但就冇舒適嘅住宿設施，始終住帳篷都唔係咁舒服。於是，佢地就打算喺北極開設高級酒店，由10間以冰屋為藍本設計而成嘅玻璃獨立屋組成，每間屋都有獨立嘅浴室同暖氣，可以令客人舒舒服服咁瞓喺屋入面欣賞極光，絕對會為你留低一次非常獨特嘅旅遊體驗。
▲酒店預計會喺明年4月開幕，到時獨立屋嘅位置會因應當天氣變化而轉變，為客人提供更為安全嘅居住環境。
▲獨立屋為客人提供咗一個舒適嘅居住地方，同時又可以無阻礙地欣賞到北極的自然風景，不過要喺極端環境之下有咁高級嘅居住環境，收費當然都唔平，住一晚就要95000歐羅，係一趟非常奢侈嘅旅行。
▲夜晚就係整個旅程嘅重頭戲，可以盡情欣賞夜空上面嘅極光。
▲根據CNN同埋華盛頓郵報指出，現時每年只有大約1000人可以到訪北極，而且都需要住帳篷同埋帶笨重嘅裝備，欣賞到極光可謂非常珍貴難得嘅人生體驗。
▲雖然收費唔平，但可以喺咁舒服嘅環境之下欣賞到咁靚嘅景色，你又覺得值唔值得呢？
North Pole Igloos Hotel
官方網站：http://bit.ly/33T9z9v
預計開幕日期：2020年4月
費用：預計98000歐羅（近82萬港幣）
文字來源：香港人遊香港/ 圖片來源：@luxuryaction