有啲人好抗拒Pizza加菠蘿，但如果唔係加菠蘿，而係加榴槤嘅話，唔知你又覺得點呢？台灣嘅Pizza Hut就曾經喺今年8月嘅時候，好大膽咁推出咗一款新口味「黃金榴槤Pizza」，呢款Pizza採用咗由泰國進口、人氣No.1嘅金枕頭榴槤，再加25%嘅Mozzarella芝士，唔單只口感順滑，而且仲啖啖都係香噴噴嘅榴槤果肉。推出之後，呢款Pizza非常受歡迎，引發咗一波「黃金榴槤Pizza」熱潮。為咗回應客人嘅期待，Pizza Hut就喺9月24號嘅時候再次推出呢款口味，而且仲限量一間分店一日只賣三個！喺台灣旅行嘅榴槤控實在唔可以錯過呢款傳說中嘅Pizza！
▲黃金榴槤Pizza(NT$499)，邪惡嘅芝士拉絲，再加埋滿滿嘅榴槤肉，真係睇見都流口水。
▲呢款Pizza究竟有幾受歡迎？根據台灣Pizza Hut嘅官方Facebook表示，呢款Pizza受歡迎到試過一日入面每10秒就賣出一個，想去試下嘅香港朋友真係要提早去先得。
▲呢款傳說中嘅Pizza已經係網姐打卡之選喇！
▲軟滑芝士質感好易就做到拉芝瀑布效果！
台中Pizza Hut
地點：全線台中分店
文字來源：香港人遊香港／圖片來源：@PizzaHut.TW、vivilin430、guo_jyun