車輪燒喺台灣好受歡迎，好多地方都有車輪燒店。呢間青畑九號豆製所就有好多唔同口味嘅車輪燒，除咗固定嘅北島牛奶燒、南國紅豆燒、大甲芋頭燒、金山地瓜燒、青醬百菇燒等等之外，仲不時會推出一啲特別口味，例如芋頭鹹蛋燒同榴槤芝士燒。最正嘅係，佢啲車輪燒嘅餡料非常飽滿，比如榴槤芝士依款口味，一咬開就係滿滿嘅榴槤同芝士，兩種香氣混合埋一齊，真係邪惡到不得了！
▲榴槤芝士燒(NT$60)，如果你比較抗拒榴槤嘅話，仲有好多其他口味揀，青畑九號豆製所每日都會製作9至10種車輪燒，絕對有一款啱你！
▲搣開塊車輪燒，就見到連住嘅芝士絲，再加埋傳上嚟嘅榴槤香味，真係太邪惡啦！
▲奧立奧牛奶燒(NT$30)，好多人都鍾意食Oreo，呢到亦都有Oreo味嘅車輪燒。
▲青醬百菇燒(NT$30)，除咗甜嘅口味之外，都有好多鹹嘅口味，就算唔喜好甜嘢嘅人都可以嚟試下！
▲現場睇佢製作嘅話，會睇到烤爐上面啲餡料多到就黎瀉出嚟，非常豪邁。
▲每一份車輪燒都非常足料，皮薄餡多，咬落口會感到非常滿足。
▲左邊嘅係甜口味，由上至下分別係奧立奧牛奶燒、南國紅豆燒(NT$25)同埋北島牛奶燒(NT$20)，右邊嘅係鹹口味，由上至下分別係芋頭鹹蛋燒(NT$45)、麻十七菜脯燒成(NT$30)同埋泡菜芝士燒(NT$35)。
▲青畑九號豆製所嘅招牌醒目搶眼，去新竹竹北嘅朋友記得去呢到打卡呀！
青畑九號豆製所
地址：新竹縣竹北市嘉豐二街一段129號
營業時間：週一至週日 11：00- 19：00
電話：03-6670506
文字來源：香港人遊香港/ 圖片來源：@aohata9、shes94027