Oreo控注意了！最近台灣全聯推出左５款Orea甜品，齋睇樣已經超吸引！「巧克力布朗尼」好似一個加大版既Orea 餅乾非常吸晴、「半熟巧克力盆栽」就有小巧可愛，半熟朱古力加上濕潤蛋糕口感好夾、另外仲有Oreao蛋糕捲、Oreo Cheese Cake、Oreo 歐姆蕾等等！到底邊款最好食，邊款有d伏？小編帶你逐款試下！
▲「巧克力布朗尼」(NT$109) 外表似係加大版既Oreo非常吸引！面層既朱古力口感紮實，中間濃厚既Cream夾著Oreo餅碎片，味道雖然唔算有驚喜但係整體都算唔錯！
▲雖然叫布朗尼但其實比較似蛋糕，中間既cream都好滑，仲有Oreo碎碎添～
▲「半熟巧克力盆栽」(NT$49) 外型小巧可愛，見到 “半熟”就覺得好吸引，果然冇令人失望！底層的半熟朱古力好濃，有D似濕潤既brownie！另外附有一包Oreo碎碎，可以自行灑係面，大加分！
▲「巧克生乳歐姆蕾」(NT$69) 呢款類似法式甜品，外表平平無奇，但裡面除左滿滿的Cream，原來仲有乳酪、朱古力脆片同覆盆子醬，算係有驚喜
▲歐姆蕾外面睇唔出裡面既乳酪其實都唔少，仲有覆盆子醬，酸酸甜甜無咁膩！
▲「巧克力奇趣蛋糕捲」(NT$75)呢款蛋糕捲相比之下就比較普通，只有面上既Oreo碎碎，Cream帶有少少鹹，面頭既餅乾碎帶有咖啡味，叫做不過不失啦！
▲「巧克力奇趣重乳酪」(NT$109) 其實即係芝士蛋糕，最上面個層只係普通朱古力而非Oreo，只有中間果層有Oreo，有點失望！不過中間既cheese蛋糕加入左檸檬味，所以冇咁膩，最底層餅底都唔錯！整體黎講，其實比較似普通Cheese cake～
售賣點：台灣 全聯福利中心
文字／圖片來源：香港人.遊香港: @andrea.hsu、@yuhsi7291、@chih_chihh