千鶴日本料理既鐵板燒一向都出名，一個晚餐定食定價要約一千元一個人，相對上都算昂貴，不過最近推出左幾款一人定食餐，價錢相對上平一半咁濟，但係食物同服務質素仲可以維持到本身定價既質素，有興趣想試下呢個餐廳可以把握今次推出既套餐! 今次推左左4款新價位既定食，小編今次試左千鶴嚐味鐵板燒$650一位另加一、千鶴嚐味天婦羅$430一位另加一、千鶴嚐味刺身$590一位另加一。如果有時睇演唱會時候想榨車又唔知可以係邊度食野有得泊車既話，不妨黎呢間餐廳，會提供五小時泊車優惠嫁！
▲呢個係一人份量前菜，叫以上3個定食任何一個都會有1份。而前菜係由廚師每日為客人精選既，每一日前菜款式都會唔同嫁，而今次試到既係蝦春卷、冷芝麻豆腐︴冷糖心蓄茄、冷蕃薯同埋凍蝦。芝麻豆腐，好特別，芝麻味好重，豆腐好滑!
▲呢個係刺身定食入面既刺身拼盤，話就話一人份量，但有咁多款魚生，而份量都唔少，仲要係厚切刺身，絕對可以兩個人一齊食! 刺身分別有拖羅、日本海膽、牡丹蝦、赤貝、深海池魚、平目、帶子、赤身、油甘魚。日本海膽好鮮甜，唔中意食海膽因為腥既人絕對岩食，另外拖羅油脂好肥美，食落去有種入口即溶既感覺!
▲刺身餐可以選秋田御飯及湯或者可以選油湯讚歧湯鳥冬。今次選了後者，烏冬份量都唔少，每條食落都好彈牙! 而個湯係甜甜地，可惜既係得一塊腐皮。
▲天婦羅或者鐵板燒餐都會包一份刺身，呢個細刺身拼盤有3種刺身，每款都有2舊，分別有油甘魚、赤貝同埋甜蝦。
▲天婦羅拼盤分別有大葉蝦、原隻帶子、南瓜、蕃薯、青椒仔、露荀同埋沙鑽魚。除左有天婦羅汁之外，仲會另外有3款海鹽比客人自行調味，分別係咖哩、綠茶同原味。個人認為咖哩味最出同埋同天婦羅最夾。天婦羅炸到好脆，又唔會好厚粉! 同埋天婦羅蝦用左紫蘇葉包住黎炸，食落去好香!
▲呢個餐可以揀櫻花蝦海鮮野菜餅天婦羅飯或冷/熱烏冬，今次選了前者。野菜餅比想像中好好食，唔會炸到好乾，而個飯既醬汁甜甜地好味!
▲鐵板燒餐海鮮類，分別有帶子、大蝦、三文魚。三文魚煎到個皮好脆同埋蝦頭都好多蝦膏!
▲呢個係成個餐既精華，係日本和牛薄燒。和牛油脂分佈好平均，每塊入面都包左好多炸蒜同埋蔥粒，食落去好香口!
▲呢個鐵板餐可以揀櫻花蝦黃金炒飯或大阪風醬油炒麵。
▲如果食鐵板燒餐既客人不妨試下坐鐵板燒bar檮，可以望住廚師煮你果個餐!
▲最後每一個餐都會有一份甜品，有兩款口味比客人揀，分別係綠茶或者紅豆日式雪糕。
千鶴日本料理
地址:紅磡都會道7號都會海逸酒店8樓
營業時間:12:00 – 14:30/18:00 – 22:30
電話:31606898
文字來源／圖片來源：香港人.遊香港