提起熱鬧既德國啤酒節，就一定會聯想起德國傳統美食同啤酒，係德國，10月啤酒節係民間盛大慶典！依家係香港都有機會感受呢種氣氛喇！參加呢個一年一度既尖沙咀10月啤酒節，可以同埋朋友仔一齊欣賞璀璨維港夜景，一路飲酒聽音樂，實行户外盡情飲酒狂歡！有得飲仲會有得食，德國啤酒緊係要配德國豬手先過癮，豬手經麥啤浸過，質感皮脆肉滑，配啤酒食真係天衣無縫！
▲每年啤酒節都會有主題打卡氣球位，上年離遠都已經見到紅黃相間既大氣球！一大班朋友一定要係呢度打卡！
▲以往傳統德國啤酒節既帳篷都會印有logo，代表著唔同品牌啤酒。聽過今年啤酒節主辦單位以巨型透明帳篷代替，令參加者更易飽覽維港璀璨景致。
▲呢個德國啤酒節都搞左好多年，每之都吸引左唔少本地、外國遊客一同參加！
▲今次德國啤酒節邀請滑稽又熱情樂手表演，佢地仲同大家一齊玩game！想挑戰性下不妨參加德國傳統樂器長號角吹奏競賽、源自德國的雞仔舞！自問飲得既你，緊係唔好錯過啤酒競飲大賽啦！
▲啤酒節重點依然係德國傳統啤酒品牌 Erdinger 艾丁格，有5 款啤酒比大家試！
▲燒豬膝配燴紅椰菜及芝士焗薯片($185)表皮金黃晶瑩油光，食落酥脆既厚豬皮層次分明，肉質嫩滑。
第 28 屆馬哥孛羅德國啤酒節
日期: 2019年10月17日至27日
時間: 晚上6時至11時
歡樂時光：每晚 6 時至 7 時可享杯裝啤酒「買一送一」優惠
地址: 九龍尖沙咀海港城馬哥孛羅香港酒店 6 樓海景露天廣場
入場費：星期日至四－成人 $160 (包括啤酒乙杯)／小童 $120 (包括汽水乙杯)；星期五及六－成人 $280 (包括啤酒乙杯及紀念啤酒杯乙隻)／小童 $160 (包括汽水乙杯)
購票：http://bit.ly/2lIX92R
文字來源：香港人.遊香港／圖片來源：@ivan_wkyip、＠marcopolohongkong