今次介紹呢間四川菜小店比較有特色，先講下鋪面既裝修主要中國風為主，而店內是廚房，坐位都是在鋪頭門外，室外放置兩至三張枱並有冷風機提供比客人。由於店內位置很少，所以鋪頭主要做外賣生意。餐牌選擇不算多，有水餃，煎餃，小食及糖水，得好少飯麵類。小食以四川菜為主，味道都幾正宗嫁，因為老闆娘是四川人。呢度既水餃同雲吞都係店主自己包，餃子一共有5款口味，所以一定要試下。
▲ 鴛鴦戲水($40 8隻): 是水餃4隻併雲呑4粒，湯底只有麻辣口味，唔食得辣既可以叫少辣，呢度既雲呑皮好薄，個人認為口感比水餃還要好。
▲泡椒鴨舌($68):好少地方食到呢個菜式，鴨舌既泡椒味好出，食落去少少酸酸辣辣。
▲口水雞($68): 口水雞得例牌叫，但份量都幾多，雞肉肉質嫩滑，配埋麻辣醬汁好惹味！
▲風花雪月($36):呢個甜品材料分別有燕碎、雪燕、北海道3.6牛奶。
▲ 水晶皮蛋($22): 平時出街食既皮蛋係灰黑色，但今次既皮蛋係黃色，而個蛋黃仲係流心果隻！
▲西洋菜豬肉煎餃($33 6隻):煎餃最精髓係呢間店既自家製醬汁，食落去有少少辣但配埋餃子食十分惹味！
喜相逢
地址: 太子界限街10-12號寶興大樓地鋪
電話: 26384198
文字來源：香港人.遊香港／圖片來源：@mm_food_dairy、@hkfoodphoto、@winefiend08