台中一向都好多文青Cafe，今次介紹既呢間Cafe係專賣一啲可愛動物造型蛋糕，每逢一啲節日都會有特別款式推出添！呢間初初開店果陣一個星期後已經登上「網紅蛋糕店」，家陣仲推出埋刺蝟榛果蛋糕，令到唔少人都特登黎打卡。呢間店每日會有6款蛋糕限量供應，人氣蛋糕除左有新出既刺蝟榛果蛋糕，仲有富士山造型蛋糕、蜜兔，全部蛋糕都睇得又食得！
▲蜜兔: 其實呢款蛋糕係杏桃＋茉莉花慕斯搭配白蜜桃凍、白朱古力脆餅同埋梳乎厘蛋糕，一個價錢可以食到唔同口味同口感既甜品！
▲煉乳草莓塔: 切開最上果粒圓形脆皮會流煉乳出黎，配埋草莓培食好夾，酸酸甜甜！
▲刺蝟榛果蛋糕: 老闆用左個特殊模具用巧克力製成刺蝟既外型，真係得意到唔捨得食啊！而蛋糕入面係自製的焦糖榛果果醬、榛果慕斯、榛果酥脆同榛果蛋糕，絕對係榛果迷必試！
▲百香小天使:小天使其實係泡芙黎既，上下有兩粒泡芙，而泡芙內餡係卡士達醬百香果奶油，食落去有啲酸香，好特別！
▲MOJITO檸檬塔:上層既奶油搭配檸檬甘納一齊食有種食緊雪糕既口感，而底層就是平時食檸檬塔既感覺，酸酸甜甜。
▲富士山造型蛋糕: 呢個蛋糕其實係抹茶慕斯，採用左丸久小山園若竹抹茶粉，切開蛋糕裡面仲會有黑糖紫米紅豆餡。
花火甜點工房
地址:台中市北屯區熱河路二段222號
營業時間:星期二至日 13:00-21:00
電話:042247576
文字來源：香港人.遊香港／圖片來源：@joyce_214086、@joyce_214086、@illyandy、@oo.o.93、@beardansciel、@i.jie_c