有時同朋友唔知食咩好，有啲人又想食雞煲，有啲人又想食刺身、有啲人就想食火鍋，都唔知點揀好。家陣唔洗煩點揀先滿足到班朋友啦，因為今次介紹呢間係一個價錢可以滿足晒呢三個願望！一個價錢(電話訂座$328)會包足8款食物，包括田園蔬菜、直送刺身盛宴、松露蝦多士(每月轉款一次)、手工火鍋料理、極上牛肉、環球海鮮船、特嫂湯底、原隻鮑魚雞煲，得刺身同牛肉唔可以追加之外，其他都可以任叫嫁，岩晒大食既你地！
▲刺身盛宴:拼盤款式都多，有帶子、三文魚、海膽、牡丹蝦、魷魚、 墨魚同油甘魚。
▲松露蝦多士炸到好脆，好好食。
▲原隻鮑魚花膠雞煲:有辣度比客人揀，唔係好食得辣既可以揀小辣，始終雞煲都要辣辣地先好食，辣味調得剛剛好唔會話過辣， 另外仲會比埋豬皮同支竹你加入雞煲。
▲火鍋配料大合照，有勁多火鍋配料會比埋客人，包括海鮮船、牛肉、魚皮餃、菜肉餃、雲吞 、炸魚皮、 響鈴、烏冬、丸類、五款蔬菜。
▲湯底今次選了濃湯螺頭花膠鍋，湯底仲會有很多花膠。
▲唔好以為食完，仲會有埋甜品芝士蛋糕食，真係勁飽勁滿足。
家嫂
地址:旺角西洋菜南街74-84號旺角城市中心4樓全層
營業時間:星期一至日 11:30 – 02:00
電話:28771611
文字來源／圖片來源：香港人.遊香港