自己龍眼自己摘特別滋味！元朗龍眼園開放日2019！

平時食龍眼都係由生果店買返黎﹐身為都市人既我地真係好少可以見到龍眼樹，呢個位於元朗既果園位於元朗大棠，有成5萬平方呎之大，園內有超過80棵龍眼樹，由上年開始龍眼收成期，果園就開放比大家自己摘龍眼，等大家可以享受摘龍眼既樂趣，做一日果農親身體驗！收費係以人頭收費，80蚊1位唔限時！同場仲會有機蔬果發售，好似有香水檸檬、粟米、蕃薯、花生、大蕉等，愛好有機農品既朋友仔就唔好錯過！

▲潘媽媽一直獨自打理果園，由去年開始果園舉辦開放日，等市民可以由果園自己摘龍眼返屋企

▲果園既龍眼品種屬於石硤，比較大粒、皮薄肉厚而且爽口

▲ 新鮮既龍眼即摘即食特別好feel！果肉晶瑩、甘甜多汁

▲大家黎摘龍眼記得做足防曬措施呀！摘龍眼冇時間限制，影相影到天黑都冇問題！

▲「潘媽媽果園」仲預備左紙盒，咁就唔怕壓爛d龍眼！

潘媽媽龍眼園開放日

日期：2019年7月20日至9月1日(逢星期六、日)
時間：下午2:00- 6:30
地點：地址:元朗大棠村潘媽媽果園(村口”培記士多”的右邊小徑直行)
入場費：$99/位 (已包送1磅自摘龍眼，另計$40/磅)，2歲或以下免費。
早鳥優惠價：優惠必須預約，於7月31日前whatsapp報名，才可使用早鳥優惠價(正價:$99/位)。
電話預約：5498 1123

文字來源：香港人遊香港／圖片來源：潘媽媽果園