Cafe係桃園中壢好有名氣，由開鋪至今都需要排隊。Cafe最出名係千層蛋糕、諾亞半熟蜂蜜蛋糕，仲會每幾個月就會有新品推出，仲會推出卡通蛋糕，外觀又靚又好食！除左甜點之外，Cafe仲有不少咸點可叫，最近有無雙麵同埋咖啡添! Cafe一共有兩層，兩層既裝修都唔一樣，二樓既座位比較岩適飲咖啡同朋友傾下計。店裡會擺放好多唔同既卡通公仔，全部都係非賣品黎。另外仲提供客製化定製生日蛋糕，有興趣可以詢問下店員。
▲最近推出左期間限定Toy Story系列既蛋糕，有4款主角，包括薯蛋頭先生、火腿、三眼仔同埋勞蘇。三眼仔係抹茶紅豆千層蛋糕，薯蛋頭係朱古力香蕉蛋糕
▲熱獨角獸之森(新台幣160):獨角獸係用蛋白糖霜做，質地係硬脆，客人要將獨角獸壓落朱古力度等啲糖溶解！
▲熱靜崗抹茶歐蕾(新台幣130)& 大眼怪流沙抹茶千層蛋糕: 千層蛋糕由側面睇會見到有好多層薄皮，一必開蛋糕抹茶醬就會流晒出黎。杯歐蕾飲落去抹茶味十足濃厚，帶點苦澀，岩晒啲抹茶控。
▲Minion蛋糕其實係伴芋泥蛋捲，店主會係碟上畫上Minion圖案。
▲水果富士山(新台幣160): 由水果鋪滿蛋糕既表面，仲用埋大湖草莓製成！
▲熱張豐盛芝麻牛奶(新台幣130):張豐盛係桃園好出名盛產芝麻同花生，呢杯芝麻牛奶飲起出黎好香濃。同埋拉花畫左龍貓圖案好靚！
好咖咖啡
地址:桃市中壢區中北路19號
營業時間: 11:00~21:00
電話:03-4362188
文字來源：香港人.遊香港／圖片來源：@dock0603、@yourcenare、@howcup、@paine_tw、@benjy0218、@jessica.ca.25