以前去韓國食辣炒年糕味道都係差唔多，依家與時並進出現了好多新食法，呢間位於弘大既小店深受大學生歡迎﹐佢地既年糕較軟腍正好吸引唔同口味既汁，加入濃郁既辣汁，帶辣勁而唔太甜，識食一定係食加芝士版！你會發現，加左芝士之後，有淡淡奶香滲出！各位芝士控小編就強推芝士瀑布年糕，有成4倍芝士之多，真係值得一試！食芝士年糕唔夠飽一定要配埋拉麵先得，芝士、紅通通辣汁掛係拉麵上，係邪惡軸心首選！

▲係韓國，辣炒年糕有2種，分別係用麵粉製作既麵粉年糕同「米年糕」，以前米年糕較昂貴，因此麵粉年糕就較平民，麵粉年糕比較吸汁，配合多醬汁食就一流！

▲辣炒年糕鍋除左原味，仲有芝士、蒜香、奶油、芝士奶油、芝士瀑布口味，喜歡芝士既朋友可以點增量四倍的芝士瀑布年糕。

▲為左保持溫度，芝士口味既年糕係用石鍋裝住，撈勻湯汁同芝士，有辣味同時有奶香！

▲年糕將芝士同辣汁勁入味

▲芝士瀑布年糕鍋裏面除左炒年糕同拉麵之外，亦有魚板，佢既辣味好搶！

▲呢度既學生鐘意將飯卷點d芝士辣炒年糕一齊食！

그동네떡볶이

地址：首爾特別市麻浦區西橋洞335-16(서울특별시 마포구 서교동 335-16)
交通：地鐵2號線弘大入口站8號出口

文字來源：香港人遊香港／圖片來源：@Greedeat