位於銅鑼灣渣甸街，又新開左一間棋哥燒鵝餐室啦！老闆棋哥18歲入行學師，係土瓜灣既家族燒味外賣檔，做足40年，佢係2017年突然同幾個兄弟自立門戶，開了咗呢間燒鵝飯店。而且，為左做好間鋪，棋哥仲專登在台山投資鵝場養黑草鵝，連飼養方式都相當講究㗎。2017年到呢家，終於開到第三間分店啦！
▲超大碟乳豬五寶飯（＄78）！
▲ 叫左個雙拼飯，啲叉燒肥瘦適中，入口唔會覺得肉好柴，肥肉入口即融，肥又不膩，以後小編食唔返咁點算啊？！唔怕，佢地有成三間分店～
▲除左一般正餐之外，佢地仲有個全日早餐，有一碗燒味粉，然後有塊牛油多或者方包，炒蛋加火腿，再加多杯野飲，真係好飽足啊～
▲店內裝潢整潔，提供咗唔少座位，唔洗擔心要等好耐，不過午餐時段可能要等下啦～
▲係老虎堂斜對面，招牌好明亮，一眼就見到架啦！下次再食！
棋哥燒鵝餐室
地址：銅鑼灣渣甸街45號人人商業大廈地下
電話號碼：27216606
營業時間：10:30-23:00
文字來源：香港人.遊香港／圖片來源： @香港人.遊香港、xiaohongshu