大家都知道韓國人好鍾意食醬油蟹，但香港可以食到正宗醬油蟹既地方真係少之有少。有機會去到韓國，緊係要食番夠本！今次介紹比大家既係位於弘大既弘益醬蟹，店內除左有中文餐牌之外，仲有識講國語既阿豬媽，所以就算唔識講韓文都好，落單都完全冇難度！店內有三款任食套餐可供選擇，分別係醬油蝦&蟹(₩15,900), 醬油蟹&辣醬蟹(₩17,900), 同埋醬油蝦&醬油蟹&辣醬蟹三款任食(₩19,900)，而小編就簡左比較多人叫既醬油蝦&蟹套餐，同時無限任食醬油蝦同醬油蟹真係好滿足！雖然係任食，但佢地既醬油蝦同蟹都十分之高質，除左醃得好入味之外，仲一啲腥味都冇，大家去韓國既話一定要去試下。
▲ 醬油蝦&蟹任食套餐(₩15,900)：每款套餐都會包埋紅米飯、蒸蛋、紫菜、蟹籽、泡菜同泡菜餅，兩位客人以上光顧仲會送埋花蟹湯，非常豐富！
▲醬油蟹有超多蟹膏，仲要肉質勁鮮甜，拎黎送飯一流！
▲醬油蟹有超多蟹膏，仲要肉質勁鮮甜，拎黎送飯一流！
▲ 大大隻醬油蝦，一個人食曬成碟都唔過份，小編當日就連同紫菜包飯一齊食。
▲ 餐廳附有中文餐牌，就算溝通唔到都可以輕鬆落單！
弘益醬蟹(홍익게장)
地址：서울특별시 마포구 월드컵북로 59 레이즈빌딩
營業時間：11:00-22:00
文字來源：香港人.遊香港／圖片來源：@ploylilyn、@maythetraveller、@hjh12121、@yom_nyomnyom