韓國早餐除左Isaac多士仲有咩選擇？弘大延南洞靚Cafe好多，但呢間Fave Bakery將手工麵包同Cafe合二為一，成為早餐優質之選！店舖設計簡約，大片落地玻璃外牆採光很好，環境舒適！每日新鮮出爐手工麵包選擇多，招牌牛角包睇落平平無奇，但外皮鬆脆，內餡空氣感十足，入口滿滿既牛油香但又唔會食到成口油，非常高質！其他例如典法式甜點「馬德蓮貝殼蛋糕」外殼硬身，但入口鬆軟香濃，有原味、朱古力、焦糖等口味選擇，Palmicarre朱古力酥皮鬆脆，仲有各式蛋糕同麵包，款款都好高質！當然唔少得咖啡，但小編覺得膠樽裝既Earl Grey都非常香濃，唔會太甜，下次住延南洞記得黎試下啦！
▲Fave Bakery 店舖設計簡約，大片玻璃牆採光很好，有簡單既二人座，非常舒適
▲火山牛角包夠Creamy，牛角包外皮香脆，充滿牛油香
相關文章：
【遊韓國！首爾越夜越好玩！新村夜光保齡超酷炫！】
【遊韓國！弘大激厚玉子蛋芝士三文治！蛋控表示流晒口水！】
▲朱古力批夠晒鬆脆
▲多款批同麵包都做得出色，新鮮出爐，要試晒真係要黎多幾次了
▲係店內用餐仲會附上刀叉，可以慢慢歎
▲除左咖啡，Cafe既Earl Grey Milk都十分出色，茶味香濃而滑，但唔會太甜，早餐必選！
Fave Bakery (延南洞店)
地址：서울특별시 마포구 동교로39길 4-13 ( 首爾市麻浦區東橋路39街4-13)
營業時間：10:00-23:00