一年一度年宵市場開鑼啦！送狗迎豬，今年豬年年宵由2019年1月30日開放至2019年2月5日(凌晨)。每年最熱鬧最大規模嘅年宵當然係維園年宵啦！2019年就有475個攤位，今年豬年依然都有好多充滿創意嘅自家設計精品公仔攤檔駐場！唔想慢慢迫住睇?錦就快啲mark實以下10大維園年宵精選搶手貨啦！
01. CHILL PIG (維園年宵22號鋪)
一睇名就知係我走文青chill路線，商品風格清新，重點貨品有珍寶豬筆袋, 豬奶file 同珍豬奶茶電腦case。
02 . Draw銀住晒 (維園年宵27-28 號鋪)
茫茫人海中，竟然係年宵中出現一部”跪完”機？咁得意既攤位設計其實係來自4位香港人氣漫畫家東尼電機，Plasticthing ,DDED , Galaman聯合嘅年宵攤位。攤內有各種充滿港味嘅得意自設商品，在場仲有似顏繪服務，包括會有Draw銀住晒紙一張及利是封一個，但數量有限嫁～
03 . 赤PIG之戰 (維園年宵50號鋪)
由一班00後合辨，專賣豬仔造型商品，除左可愛嘅豬仔暖手枕外仲有今年主角造型帽子，耳仔郁郁嘅豬仔帽呀！
04 . 鐵皮工作室 (維園年宵59號鋪) / 鐵皮貓作室 (維園年宵267號鋪)
今年年宵依舊有鐵皮工作室喺到，有豬為主題嘅鐵皮揮春外，佢地今年仲特意推出咗微型版本鐵牌！
05 . 真 • 豬 (維園年宵170號鋪)
年宵當然唔少得欖枕，中學成日叫「朱奶」「朱奶」~「朱古力奶」，呢次就設計左同音字「豬古力奶」欖枕，欖住青春回憶即刻番曬黎。
06 . 驚安豬殿堂(維園年宵192號鋪）
由Whizoolab一眾youtuber 一齊搞嘅大project，有財神發仲有開運達摩豬豬暖手枕，唔夠裝？仲有個袋俾你袋袋平安！
07 . 堅係朱豬s(維園年宵205號鋪)
呢檔嘅賣點係童年回憶為主，有童年小朋友鐘意食嘅魷魚絲同媽咪麵嘅文件夾，設計師師將呢兩款零食變曬豬。童年點少得卡通，將豬豬同男女最意嘅卡通人物大玩Cross Over，設計貼紙、手機殼、布袋同埋金句卡
08 . 豬肉Site (維園年宵201號鋪)
維園全部都係豬，豬肉檔當然要唔執輸，呢檔嘅售貨員化身大隻肌肉男賣豬肉，連檔嘅擺設同街市豬肉檔口好似，主要賣午餐肉同埋全隻豬公仔
09 . 豬西餐廳(維園年宵108號鋪)
一諗起茶記下午茶，公司三文治即刻出嚟，呢個攤檔有茶記食物貼紙，軟淋淋嘅有豬嘅食物咕𠱸，最特別係豬柳蛋漢堡，大大份，好好攬
10 . 毛記關愛花檔 (維園年宵355-356號鋪)
小編每年都會去毛記年宵睇一睇，今年竟然唔賣公仔，都唔賣符水，轉行賣花？毛記梗係無咁簡單啦，今次貼地錦將人見人些牙嘅長輩圖立體化，砌出3D花花長輩圖，精明嘅你仲唔快啲買番個番去些牙呃like?
維園年宵2019
地址：銅鑼灣天后興發街1號 ( 銅鑼灣站E出口 或 港鐵天后站A2出口 )
開放時間：12:00 – 0:00 ； 12:00 – 6:00 （年三十晚）
文字來源：香港人遊香港 / 圖片來源：香港人遊香港、食物環境衞生署、johnee_lau 、chillpig22