成日去台灣既你如果已經玩厭左台北市區，不仿搭多幾個捷運站去附近既新莊踩點打卡！新莊中港大排親水步道有如韓國清溪川咁靚，彩虹logo積木河道超繽紛，仲有彩虹橋日頭夜晚影都一樣咁吸晴。新莊文昌祠既陸橋似足日本鳥居，拱門一個接一個好有穿越既感覺。日日心塾相當隱世，彩色貨櫃屋又有cafe又係藝文空間，可以玩足一日。
第一站：新莊中港大排親水步道
呢個經過整修後既親水步道搖身一變就變成當地居民悠閒散步既好地方+網紅景點，全長1.7km既步道沿路都好悠閒，仲有好多塗鴉彩繪比你影到夠。最吸晴既一定係”飄浮”係河道既彩色積木lego同埋彩虹橋，好夢幻啊～
▲彩虹積木其實係石頭畫上左彩色lego圖樣，睇落就好似真積木浮左係水面咁
▲親水步道中段既彩虹天橋一定係最火紅打卡點
▲彩色橋無論日頭定夜晚影都咁靚
新莊中港大排親水步道
地址：新北市新莊區中華路二段116號 (新莊副都心站，步行10-15分鐘)
第二站：日日心塾
位於塭仔底濕地公園對面的日日心塾絕對係隱世景點，彩色既貨櫃屋好有藝術氣息，呢度的確係藝文空間，有文創商店、cafe、間中會有藝術展覽，最適合文青黎打卡。成個空間唔算大，但每個角落都咁好影，仲有好多小巧思既設計添。
▲彩色既貨櫃好鮮艷，又係一個打卡既好地方
▲園區內都唔少巧思既設計，岩晒「大美女」們去打卡
▲每個貨櫃都有唔同特色，一面牆都可以拍上一整天
日日心塾
地址：新北市新莊區中華路三段與富貴路交叉口 (新莊副都心站，步行15分鐘)
時間：10:30～17:30 / 禮拜一休息
第三站：新莊文昌祠-文昌陸橋
新莊文昌陸橋既設計似足日本鳥居，古色古香之餘又超有特色，紅色既拱門一個接一個，影出黎好有穿越既感覺。而且附近風景遼闊，可以睇到新莊地標—新月橋，可以邊影邊欣賞風景。
▲紅色拱門設計一點都不老土，好多情侶仲特登睇呢度影餐飽
▲排列整齊既拱門係好多網美打卡熱點，平日唔多人，絕對係隱世景點，可以慢慢影
▲呢個絕對唔係CG，入夜後咁樣影配以夜晚既天空，真係超夢幻
新莊文昌祠-文昌陸橋
地址： 新北市新莊區碧江街20號 (捷運新莊站，步行約10分鐘)
文字來源：香港人.遊香港／圖片來源：@kitty0717、@bbvv11255nn、@imissrainblw、@__mii04、@AGR02_07、@cccccb、@h_enryyy、@hcc0923、@sam19671126、@fuyuguo