開左學兩三個星期，風又打完，家長們又要諗下週末親子活動比小朋友放電喇！將軍澳新都城有顏色觸目既4米高南瓜屋同大蜜糖樽Pop-up，除左外型可愛親子影相打卡一流之外，仲有巨型拼字版同互動遊戲，以活動認識食物。而一期就有個知味圖書館，擺滿食譜及飲食書籍任人閱讀，又有野玩又有野學！小朋友仲可以喺巨型粟米之下，扮演小小農夫駕駛推土車！大人又可以係隔離有營市集揀返d有機蔬果，真係一舉兩得！
▲MCP 以可愛造型打造「食味大學」，令人學習如何欣賞、品味及認識食物
▲4米高的南瓜屋鮮豔搶眼，定必成為打卡熱點！
▲南瓜屋內原來仲有Game玩！要係指定時間內搵到食譜上合適既食材。
▲開心農場考考各位對各動物身體部位知多少，小編睇完就知肉眼同西冷大不同！
▲另一個打卡位一定係呢個擠牛奶位！
▲當小朋友學緊A for avocado，B for Beef，就知道一定係醒目既吃貨。小朋友係呢度一定學到好多英文！
▲小小農夫體驗之旅，小朋友可以駕駛小小推土車，由4米巨型粟米屋出發，穿梭農場沿途收集指定蔬果，小朋友一定like 爆！
▲4米高圖書牆景配上清新色彩的水菓裝飾各位置身其中，館內更有多款飲食相關書籍閱讀
▲有營綠色市集，有多個售賣蔬果及健康食品的攤位，有機蔬果、水耕菜、本地沙律菜健康食品，手工果醬等包羅萬有！
MCP 新都城中心「食味大學」
（包括知味圖書館、識食寶庫）
日期: 2018 年 9 月 21 日至 10 月 17 日
時間: 上午 10 時至晚上 10 時
地點: 將軍澳欣景路8號 MCP ONE(一期)、 MCP CENTRAL(二期)及 MCP DISCOVERY(三期)
*有營市集則逢星期四至日、中秋節正日及公眾假期中午 12 時至晚上 8 時開放
文字來源：香港人.遊香港／圖片來源：香港人.遊香港、mcp