[駐場博客: 小牛牛快樂行山郊遊相集by Chan Keung]難得放半天假，咁啱又約咗親友响中環食飯，襯仲有少少空檔，走咗去西區公眾貨物裝卸碼頭拍個日落橙海先！當天約咗親友在中環食晚飯，難得天氣良好，藍天白雲，可惜又唔夠時間行返ㄧ轉山，心諗有2小時空檔去邊好呢?
想起西環有個碼頭，環境好靚，又有天空之鏡美譽，睇日落ㄧ流，好多人都去果度打卡。就ㄧ於走返ㄧ轉先。首先坐港鉄到香港大學站，由B2出口向德輔道西方向ㄧ直走，過幾條馬路，行咗大約十幾分鐘就到達今次目的地~西區公眾貨物裝卸區碼頭，見倒有支好高嘅標柱，呢度係中西區海濱長廊公園出口，見到好多ㄧ家大細响長廊度玩耍，不過小編冇入去睇，直接左轉進入碼頭，呢度景觀開掦，可以飽覽維港兩岸景色，有大小船隻穿梭往來，仲有D超級豪華遊艇頻頻經過添！
講返呢個碼頭， 係一條好長好直嘅石屎平台，三面環海，外型好似ㄧ條飛機跑道， 又似置身在航空母艦舺板上。 碼頭旁邊有人垂釣， 有人放狗，有人踩單車， 踩風火輪， 滑板，有啲就攞齊長短火影相，又有好多人自拍， 充滿歡樂氣氛呢！
靠岸邊有幾個棄置咗嘅貨櫃，被繪上得意嘅圖畫，仲有啲卡板，油桶，綱䌫….等等， 油到五顏六色，好靚架，營造咗好多打卡位。小編行行吓發覺好多地方都熟口熟面，原來呢度有好多套電影，電視台，MV製作，取景嘅地點。
到咗下午日落時段，越來越多人，紛紛走到碼頭未端，擺個靚pose拍拍拍。日落，剪影，橙色嘅海，構成ㄧ幅美麗嘅圖畫，可惜小編幹住赴約，不然再拍多D靚相呢！
▲碼頭入口旗桿轉咗就到達
▲海岸景色優美
▲有多個空置嘅貨櫃係打卡熱點
▲驟眼看似機場跑道
▲空置貨櫃都被塗上可愛的卡通人物
▲日落美景途人都不禁拿起手機來拍過夠
▲空置貨櫃被擺放成幕牆又打卡好位置
▲到了下午好多人都帶埋狗隻在這裏散步
▲三面環海景觀開掦
▲這裡是多齣電影電視台拍mv取景的地點
▲碼頭未端是拍日落剪影的最佳地點
▲吸引大學生來這裡拍攝畢業照片呢
▲靠近岸邊三五知己圍埋一齊傾下偈的確寫意
▲色彩繽紛難怪咁多人慕名而來
▲都有好多人到岸邊垂釣
▲七彩繽紛的貨櫃
▲圖畫生動有創意
▲下次有機會等待雨後再來拍攝天空之鏡
西環公眾碼頭
交通/路線: 香港大學站B2出口向德輔道西方向走，大約1.3公里，需時15分鐘左右
文字／圖片來源 ：小牛牛快樂行山郊遊相集by Chan Keung
