要食兩個！
小編覺得黎到太子就一定要食呢度既菠蘿油！菠蘿油每次一出爐都好快賣哂，日本、台灣旅客都大讚呢度菠蘿油外皮非常酥脆，內裡質感軟綿綿，大塊而厚身牛油令其冰火交融，令人一啖接一啖超快就食完！
▲新鮮出爐既菠蘿油($10)係金華冰廳既鎮店之寶，菠蘿油號稱全港第一，而且獲獎無數！一定要趁熱食酥皮脆層菠蘿皮，一咬落去加埋厚實鬆脆鮮牛油，及麵包鬆軟，感覺牛油微鹹且冰涼！
▲每逢菠蘿包出爐，都會有條長長既人龍，店方仲好貼心地使用紙袋裝住外賣菠蘿包，咁就唔怕比蒸氣焗淋個包！
▲只見店員手快快咁將厚牛油片放入鬆軟麵包內
▲酥皮蛋撻($5)聽講係用左144摺的酥皮既蛋撻皮，食落非常鬆脆。而且內餡滑嫩，甜度亦岩岩好。
金華冰廳
地址：太子弼街47號地下
電話：2392 6830
文字來源：香港人.遊香港／圖片來源：sheeeeenalim、henry.quach、chi0523chi、vitb1218