![](https://hkppltravel.com/wp-content/uploads/2020/03/沙律生菜-1024x681.jpg)
早排好流行玩一場農場經營手機遊戲,由種菜到賣出只係彈指之間,不過大家有冇試過做真正既農夫呢?機會黎喇飛雲!錦田呢個農場超過10000呎,種左好多沙律羅馬生菜,40蚊就有一大袋,仲可以即場作農場收割體驗!價錢親士,因此每逢假日,好多家庭都特登支持買菜!生菜係用心種植,100%本地生產。2017年初,80多歲農夫周伯突然失去了運菜到批發市場拍檔,一大批長好生菜無法推出市場,一批好有心既網民組成義工,幫佢成功售出幾百斤生菜,每次收成都有唔少回頭客。
![](https://www.hkppltravel.com/wp-content/uploads/2018/04/1_今年82歲既周伯伯每日用心耕作-為既更多人識得欣賞佢既農作物,而呢年黎義工們就幫手保育呢片農地-並為社區供應新鮮生菜。.jpg)
▲周伯伯每日用心耕作,為既更多人識得欣賞佢既農作物,而呢年黎義工們就幫手保育呢片農地並為社區供應新鮮生菜。
![](https://www.hkppltravel.com/wp-content/uploads/2018/04/1.5_周伯伯平日一個人打理呢個過萬呎既農地相當辛苦。.jpg)
▲周伯伯平日一個人打理呢個過萬呎既農地相當辛苦。
![](https://www.hkppltravel.com/wp-content/uploads/2018/04/2_小編最欣賞呢d綠油油新鮮生菜,佢係羅馬生菜品種,出面賣得好貴.jpg)
▲呢d綠油油新鮮生菜係羅馬生菜品種,出面賣得好貴架!
![](https://www.hkppltravel.com/wp-content/uploads/2018/04/3_周伯賣比大家都係親民既價錢,30已經有一大袋!而一袋已經有8大棵.jpg)
▲周伯賣比大家都係親民既價錢,$40已經有一大袋!而一袋已經有8大棵!
![](https://www.hkppltravel.com/wp-content/uploads/2018/04/4_好多朋友仔都會帶同小朋友一齊體驗摘生菜活動。.jpg)
▲好多朋友仔都會帶同小朋友一齊體驗摘生菜活動。周伯伯見到小朋友摘得咁開心,佢都開心埋一份!
![](https://hkppltravel.com/wp-content/uploads/2020/03/90399719_2906458612803499_7761612787045892096_n.jpg)
▲負責管理錦壆路農場 Kam Pok Farm 專頁既小編仲好有心機整理左15秒收割生菜教程片段,大家睇左先去,就萬無一失啦!
![](https://hkppltravel.com/wp-content/uploads/2020/03/1.5_周伯伯平日一個人打理呢個過萬呎既農地相當辛苦。.jpg)
錦壆路農場 Kam Pok Farm
地址:元朗錦壆路、下竹園路交界
交通:上水元朗17號紅van近錦綉花園下車行5分鐘
開放時間:每日10am-5pm,walk in即可
注意事項:
⚠️ 疫情未受控,如要跨區前往,請自行判斷風險
⚠️ 如帶同小孩,盡量避開周末可能人多之時間前往。
⚠️ 請確保個人衛生,請依然戴上口罩
請將用過口罩及垃圾帶走。
文字來源:香港人.遊香港 / 圖片來源:MinibubbleCorner、錦壆路農場 Kam Pok Farm