近年氣候轉變，木棉好多都開得半綠半紅，令攝友都失去影木棉英雄氣派既心情，不過唔緊要既，其實香港仲有地方既木棉仲開得好靚架！每年3月開始都將石崗軍營染成一片大紅！開花季節，軍營係一般都會讓市民欣賞木棉花盛開。如果想plan個full day trip，仲可以行埋甲龍古道tim！
▲每逢3月，石崗軍營都會染到一片紅。
▲兩邊夾道其實係一條小徑，唔算好長，木棉花好厚實朵朵點綴
▲另一方接釀大草地，加上紅色花，構圖非常吸引！
▲唔少龍友遊人揸車黎賞花。
▲依家正係花開花落時間，所以大家小心花開時會中頭獎！
▲木棉開得全盛時，好似被紅彤彤既火燃燒一樣
▲石崗軍營位於元朗鄉郊地區，較少受城市污染，而且地方空曠，所以視覺效果亦係最好。
▲有唔少遊人好用心咁堆砌木棉花心心
石崗軍營木棉道
地址：新界元朗石崗荃錦公路近石崗村
交通： 西鐵錦上路站乘專線小巴72（雷公田方向）或九巴51號， 於「石崗」站下車
注意事項：
⚠️請確保個人衛生，於人群之間請依然戴上口罩
⚠️請將用過口罩及垃圾帶走
⚠️請盡量選擇非繁忙時間到場參觀
⚠️由於石崗軍營係軍事要地，拍攝時請注意聲量
文字來源：香港人.遊香港 / 圖片來源：@phoenixjf、@im_devilkary、taikokman、@bily_yung